Tifozët e Newcastle United e bënë të qartë mendimin e tyre për sulmuesin kryesor pas rezultatit zhgënjyes.

Ata nuk u përmbajtën teksa ndërprenë intervistën pas ndeshjes të Anthony Gordon me një brohoritje të drejtuar kundër Alexander Isak.

Të shtunën në mëngjes, Newcastle United e nisi sezonin 2025/26 të Premier League me një udhëtim në transfertë kundër Aston Villa.

Me yllin e sulmit Isak që ndodhet aktualisht në grevë për shkak të thashethemeve për një transferim te Liverpooli, Gordon u vendos në qendër të sulmit për këtë ndeshje.

Fatkeqësisht për tifozët e klubit nga Newcastle, 24-vjeçari nuk arriti të tregonte nivelin e lartë të vendosur nga Isak sezonin e kaluar, dhe ndeshja përfundoi 0-0.

Por tifozët e Newcastle ishin të sigurt për të shprehur mendimin e tyre për Gordonin, Isakun dhe sagën e transferimit, duke ndërprerë intervistën e tij pas ndeshjes me një këngë ofenduese të drejtuar Isak-ut.

Aktualisht, Isak po refuzon të stërvitet me skuadrën në përpjekje për të detyruar klubin të pranojë një ofertë rekord nga Liverpooli, e cila pritet të vijë para mbylljes së merkatos më 1 shtator.

Situata ka krijuar tension në “St James’ Park”, por Gordon u përpoq ta minimizonte atë kur u pyet gjatë intervistës së tij në TNT Sports.

Duke folur për sagën e Isak, Gordon tha:

“Ka qenë e vështirë sepse ne jemi një grup shumë i bashkuar. Nuk kemi pasur kurrë probleme publike dhe kjo është hera e parë që ndodh diçka e tillë – na ka testuar. Mund ta shihni edhe sot që ende e kemi atë shpirt dhe bashkim, punojmë për këtë çdo ditë. Nuk do të zhduket kurrë pavarësisht individëve. Jemi një grup i madh, uniteti ynë është në nivel të lartë dhe gjithmonë do të mbetet i tillë. Ne jemi shumë të lidhur mes vete. Mendoj që gjëra të tilla të forcojnë dhe në fund të bëjnë më të mirë, dhe besoj se kështu do të ndodhë.”

Megjithatë, duket se tifozët e Newcastle nuk ndajnë të njëjtin mendim, pasi në sfondin e intervistës së Gordon dëgjoheshin duke brohoritur: “Ka vetëm një lakmitar i p***”*, një referencë e qartë për Isakun.

Në mungesë të tij, pritet që Gordon të vazhdojë të luajë si sulmues qendre për Newcastle, një sfidë që ai e mirëpret, edhe pse pranon se fillimisht po e ka të vështirë të përshtatet.

“Për mua është diçka që më pëlqen shumë. Ndjej që ndërsa karriera ime përparon, gjithsesi do të përfundoj duke luajtur më shumë në qendër. Ka ardhur pak më herët se sa e kisha imagjinuar, por po e shijoj shumë. Do të duhet pak kohë për t’u mësuar”, shtoi ai.

Megjithatë, nëse Isak largohet nga klubi në javët e ardhshme, raportohet gjerësisht se Newcastle do ta zëvendësojë menjëherë me një tjetër lojtar yll për të udhëhequr sulmin, me sulmuesin e Brentford, Yoane Wissa, si objektivin kryesor. /GazetaExpress/