Futbolli është plot emocione, por për Mohamed Eni-n, YouTuber- in e famshëm franko-algjerian dhe tifoz të Marseilles.

Liga e Kampionëve e mbrëmshme përfundoi në…rrënim financiar. Influenceri ekscentrik pa ekipin e tij të preferuar të eliminohej për shkak të një goli të shënuar në një stadium tjetër, dhe reagimi i tij ishte shkatërrues.

E gjitha ndodhi në minutën e 98-të të ndeshjes Benfica – Real Madrid. Kur portieri portugez, Anatoly Trubin, doli në fushë dhe shënoi për rezultatin përfundimtar 4-2, ky rezultat vulosi përfundimisht eliminimin e Marsejës nga faza eliminatore.

Eni, i cili po e ndiqte drejtpërdrejt zhvillimin, nuk mundi ta duronte tronditjen. Në gjendje të nervozuar, ai goditi televizorin e tij dhe e shkatërroi para syve të mijëra ndjekësve të tij, duke bërtitur për “fatkeqësinë” e ekipit të tij.

Videoja e shkatërrimit të televizorit nuk vonoi shumë të bëhej virale në rrjetet sociale, duke mbledhur miliona shikime brenda pak orësh. Edhe pse Eni njihet për reagimet e tij ekstreme, ky moment i veçantë u karakterizua si një nga më “të çmendurit” në historinë e kanalit të tij.