Avokati Tome Gashi, i ftuar në emisionin “Kosova Live”, në T7 ka komentuar zhvillimet e fundit politike lidhur me procesin e zgjedhjes së presidentit të vendit.
Ai theksoi se përgjegjësia kryesore për këtë proces bie mbi Kryeministrin Albin Kurti, i cili sipas tij është i përkushtuar që brenda afateve ligjore të sigurojë një zgjidhje.
“Duke pasur parasysh përgjegjësinë që e ka zoti Kurti në situatën ku jemi, ai është i përkushtuar që brenda këtyre shtatë ditëve të bëhet zgjedhja, sipas ligjit, e presidentes apo rizgjedhja e zonjës Vjosa Osmani”, deklaroi Gashi.
Sipas tij, ndonëse në takimet politike nuk janë përmendur emra konkretë, është e qartë se mbështetja është e orientuar drejt presidentes aktuale.
“Unë di saktësisht që aty nuk kanë folur për emra të përveçshëm, por është nënkuptuar. Kushdo që ia don të mirën Kosovës duhet ta përkrahë Vjosa Osmanin për punët e mira që i ka kryer”, u shpreh ai
Ndër të tjera, Gashi dha edhe një deklaratë të fortë për qëndrimin e Kryeministrit Kurti, duke lënë të kuptohet se emri për president tashmë është i qartë.
“Albin Kurti s’ka pse me mendu 24 orë, sepse në mendjen e tij, në trurin e tij, ka vetëm një emër Vjosa Osmani. Mirëpo, punën po e bën mirë, sepse fillimisht po don me i siguru votat e deputetëve në Kuvend”, deklaroi Gashi.
Sipas tij, kjo qasje tregon një strategji të kujdesshme politike për të siguruar mbështetjen e nevojshme parlamentare para se të formalizohet kandidatura.
Ndiqni deklaratën e plotë:
