Topi i EURO 2024 do të marrë një pamje të re për gjysmëfinalet që do të zhvillohen në Gjermani javën që po vjen dhe për finalen në Berlin.

Turneu intrigues i këtij viti do të përfundojë me një ngjarje madhështore në Olympiastadion më 14 korrik, por para kësaj katër ekipe do të garojnë për të drejtën për të ngritur trofeun.

Spanja dhe Franca do të përballen të martën në mbrëmje përpara se Anglia të ndeshet me Holandën 24 orë më vonë. Dhe çdo ndeshje do të ketë një top me pamje të re, i cili është frymëzuar nga ngjyrat e vendit mikpritës.

Tifozët gjermanë mbetën të zhgënjyer nga eliminimi i dhimbshëm i ekipit të tyre nga La Roja, por ata do të kenë një kujtim të fushatës së tyre mbresëlënëse në secilën nga ndeshjet.

Për më tepër, ka edhe një referencë ndaj 'trofeut' për të cilin garojnë katër gjysmëfinalistët.

Topi Fussballliebe Finale është një version i përditësuar i topit që u përdor më herët në turne.

Sipas prodhuesve Adidas, ndryshimi në ngjyrë është zhvilluar dhe testuar me atletë për të siguruar që të dallojë në fushë pa reflektuar dritën.

Dhe për herë të parë, topi që do të përdoret për gjysmëfinalet dhe finalen do të përfshijë një teknologji që ofron të dhëna të sakta për zyrtarët në kohë reale.

Topi i lidhur funksionon në harmoni me teknologjinë gjysmë-automatike të pozicionit jashtë loje për të siguruar që pozicioni i topit, si dhe i lojtarëve, të mund të gjykohet saktë gjatë momenteve vendimtare.

Sensori funksionon me një bateri të rikarikueshme që ngarkohet me induksion – i njëjti lloj transferimi të energjisë pa kabllo që përdoret për telefonat inteligjentë.

Fussballliebe ka një sipërfaqe poliuretani me 'mikro dhe makro tekstura' dhe një eksterier me 20 panele për të përmirësuar aerodinamikën.

Në të janë të printuara një përzierje formash dhe ngjyrash që përfaqësojnë 'lëvizjen e topit dhe energjinë e lojës', si dhe 'gjallërinë që kombet pjesëmarrëse sjellin në turne', tha UEFA dhe Adidas në një deklaratë.

Teknologjia e topit po përdoret për herë të parë në Europian në vitin 2024, edhe pse ajo tashmë ka qenë një pjesë e suksesshme e Kupës së Botës.