Hyrje-daljet e shpeshta nga shtëpia dhe udhëtimet e shpejta me skuterin e tij, ngjallën dyshime tek hetuesit e Skuadrës së Policisë së Riminit në Itali.

Ndërsa kryenin kontrolle për të luftuar trafikun e drogës, ata e vunë re vazhdimisht të riun shqiptar duke qarkulluar nëpër zonën e Miramare, veçanërisht përgjatë bregdetit. Më pas filluan hetimet e tyre, duke zbuluar se i riu jetonte pranë spitalit të Riminit.

I identifikuar si një 26-vjeçar shqiptar, një kontroll fillestar zbuloi gjashtë doza kokaine në xhepat e tij, si dhe një shumë të konsiderueshme parash.

Kontrolli u zgjerua më pas në apartamentin e të huajit, ku u zbuluan katër blloqe kokaine të vulosura me nxehtësi dhe 15 pako të tjera që përmbanin të njëjtën drogë, me një peshë totale prej 500 gramësh.

Ata gjetën gjithashtu edhe 2400 euro të tjera që besohet se ishin të ardhurat nga pazaret e mëparshme të drogës dhe të gjitha materialet e nevojshme për paketimin e dozave (foto kryesore).

26-vjeçari u arrestua më pas dhe u dërgua në zyrat në Piazzale Bornaccini, ku u zbulua gjithashtu se ai banonte ilegalisht në Itali. Pas formaliteteve të zakonshme, shqiptari u transferua në burgun “Casetti” dhe tani është në dispozicion të gjyqësorit.