Ish-banorja e “Big Brother VIP 4”, Arsida Çerpja, ka qenë e ftuar në “Live From Tirana” me Ronaldo Sharkën.

Ajo ka folur në lidhje me ngjarjet e fundit të ndodhura në shtëpinë më të famshme në Shqipëri. Gjithashtu ajo komentoi finalistët e këtij edicioni të reality show-t.

Pjesë nga intervista:  

Gerta nuk arriti të shkonte në finale, si e pe ti këtë?

Ishte traumatike për mua, sepse më dukej diçka e mirëqenë tashmë. Duke qenë se Gerta ka qenë e nominuar vazhdimisht këto tre muaj, ishte shumë habi se si një lojtare që është përkrahur nga publiku për tre muaj rresht, ku njerëzit kanë harxhuar për tre muaj rresht për vota dhe e kanë sjellë deri këtu, mos ta çojnë në finale. Ishte shumë çudi dhe më erdhi shumë keq. Mendoj që dhe Gerta vetë nuk e priste. Megjithëse disa fansa të Eglit aludonin se Egli e meritonte më shumë se sa Gerta. Jo se Egli nuk e meritonte, se ajo ka dhënë shpirtin për atë lojë, por Gerta ishte një emër që në mes të “Big Brother” ishte kuptuar që do ishte finaliste. Kështu që ishte me të vërtetë një puntatë shumë ndryshe. Mendoj që “Big Brother” i meritonte pesë finalistë sivjet.

Kë do të hiqje ti nga kjo katërshe dhe ta zëvendësoje me Gertën?

Nëse flasim si lojtar, sigurisht do të hiqja Laertin. Sepse gjithsesi ka qenë komod në atë ‘comfort zone’-in e vet, nuk është lodhur. Nga ana intelektuale, duhej një person i tillë të ishte, sepse gjithsesi përfaqëson një pjesë të shqiptarëve, kështu që e meriton deri diku si personazh. Pastaj Egli, thjesht për faktin që doli dhe hyri. Unë jam me idenë që në atë lojë, duhet të shkojë në finale kush ka aftësinë, fizike, morale, psikologjike për të rezistuar nga dita 1 deri në ditën e fundit. Duke qenë se Egli çedoi dhe nuk arriti dot ta mbante presionin, u rikthye, mendoj se para Gertës nuk duhej të hynte.

Si t’u duk Gerta atë natë pasi doli, u takuat?

Nuk folëm shumë sepse ishte momenti i fundit. Por sigurisht ishte shumë e habitur. Gjithsesi Gerta ka një buzëqeshje shumë të bukur në fytyrë, edhe kur është në momentin e vet më të trishtë.