E ardhmja e Trent Alexander-Arnold ka marrë një kthesë të papritur. Sipas raportimeve të “The Mirror”, mbrojtësi anglez mund të rikthehet te Liverpool FC që këtë verë, pas zhvillimeve të fundit dhe dramës në UEFA Champions League me Real Madrid.

Burimet bëjnë të ditur se rikthimi në “Anfield” po bëhet gjithnjë e më i mundshëm, ndërsa Liverpool ende nuk ka bërë një koment zyrtar lidhur me situatën. Klubi anglez pritet të vlerësojë mundësinë për të ri-transferuar një nga lojtarët më të dashur të tifozëve.

Alexander-Arnold, i cili u largua me shumë bujë, mund të jetë gati për një kapitull të ri aty ku nisi gjithçka. Një rikthim i tillë do të ishte ndër lëvizjet më sensacionale të merkatos verore. /GazetaExpress