Presidenti amerikan Donald Trump sugjeroi sot se aleatët amerikanë duhet ta marrin përgjegjësinë e vetme për patrullimin e Ngushticës së Hormuzit nëse Shtetet e Bashkuara shkaktojnë rrëzimin e regjimit iranian, shkruan CNN.

“Pyes veten çfarë do të ndodhte nëse ne ‘do ta mbaronim’ atë që ka mbetur nga Shteti Terrorist Iranian dhe do t’i lëmë vendet që e përdorin atë, ne nuk e përdorim, të jenë përgjegjëse për të ashtuquajturën ‘Ngushticë'?”, shkroi presidenti në Truth Social.

“Kjo do t’i vinte në lëvizje disa nga ‘Aleatët’ tanë jo-reagues, dhe shpejt!!!” vazhdoi ai.

Trump ka kritikuar vendet europiane pasi ato refuzuan kërkesat e tij për të dërguar anije luftarake për t'i shoqëruar cisternat e naftës përmes ngushticës.

Shumë liderë thanë se mund të jenë të gatshëm t’i bashkohen një koalicioni për ta patrulluar këtë rrugë ujore të kontestuar pasi të përfundojnë armiqësitë aktive.