Presidenti amerikan, Donald Trump shkroi në "Truth Social" se udhëheqësi suprem i Iranit, Ali Khamenei ka vdekur.
Trump tha se ai nuk mundi t'u shmangej inteligjencës amerikane dhe sistemeve të sofistikuara të gjurmimit të SHBA-së.
Presidenti amerikan tha se edhe Garda Revolucionare e Iranit, forcat ushtarake dhe ato të sigurisë e policisë nuk po duan më të luftojnë dhe "po kërkojnë imunitet" nga SHBA.
Trump tha se bombardimi do të vazhdojë "pa ndërprerje gjatë gjithë javës", derisa, siç tha, të arrihet "paqja në të gjithë Lindjen e Mesme" dhe "në botë".
Postimi i Trump:
Khamenei, një nga njerëzit më të këqij në Histori, ka vdekur. Kjo nuk është vetëm Drejtësi për popullin e Iranit, por për të gjithë Amerikanët e Mëdhenj, dhe për ata njerëz nga shumë Vende në mbarë Botën, që janë vrarë ose gjymtuar nga Khamenei dhe banda e tij e HORRAVE të etur për gjak. Ai nuk ishte në gjendje t’u shmangej Inteligjencës sonë dhe Sistemeve tona Shumë të Sofistikuara të Gjurmimit dhe, duke punuar ngushtë me Izraelin, nuk kishte asgjë që ai, apo udhëheqësit e tjerë që janë vrarë së bashku me të, mund të bënin. Ky është shansi i vetëm i madh për popullin iranian për ta rimarrë Vendin e tyre. Po dëgjojmë se shumë nga IRGC-ja e tyre, Forcat Ushtarake dhe forca të tjera të Sigurisë dhe Policisë, nuk duan më të luftojnë dhe po kërkojnë Imunitet nga ne. Siç thashë mbrëmë, “Tani mund të kenë Imunitet, më vonë marrin vetëm Vdekje!” Shpresojmë që IRGC-ja dhe Policia do të bashkohen paqësisht me Patriotët iranianë dhe do të punojnë së bashku si një njësi për ta rikthyer Vendin në Madhështinë që meriton. Ky proces duhet të fillojë së shpejti, sepse jo vetëm vdekja e Khameneit, por edhe Vendi është, brenda vetëm një dite, shumë i shkatërruar dhe, madje, i rrafshuar. Bombardimi i rëndë dhe me goditje të sakta, megjithatë, do të vazhdojë, pa ndërprerje gjatë gjithë javës ose, për aq kohë sa të jetë e nevojshme për të arritur objektivin tonë të PAQES NË TË GJITHË LINDJEN E MESME DHE, NË TË VËRTETË, NË BOTË!
Faleminderit për vëmendjen tuaj ndaj kësaj çështjeje.
PRESIDENT DONALD J. TRUMP
