Presidenti amerikan Donald Trump ka ndarë një video në platformën e tij Truth Social, e cila sipas tij shfaq një “sulm masiv” ndaj kryeqytetit iranian, Teheranit.
“Shumë nga liderët ushtarakë të Iranit, të cilët i kanë udhëhequr keq dhe pa mençuri, janë eliminuar, së bashku me shumë të tjera, nga ky sulm masiv në Teheran!”, ka shkruar Trump.
Videoja tregon shpërthime të mëdha të filmuara natën.
Nuk janë dhënë detaje të mëtejshme nga SHBA-të dhe nuk ka pasur asnjë përgjigje nga Teherani ndaj pretendimeve të Trump./Express/
