Presidenti amerikan Donald Trump tha se negociatat lidhur me Grenlandën aktualisht i japin SHBA-së “qasje totale” për qëllime mbrojtëse.
“Po negociohen tani, detajet e saj, por në thelb është qasje totale. Nuk ka fund, nuk ka afat kohor”, tha Trump në një intervistë me Maria Bartiromo të Fox Business.
Trump tha se kjo qasje do të lejojë vendosjen e sistemit mbrojtës Golden Dome, duke thënë: “Po marrim gjithçka që duam pa asnjë kosto”.
“Është një pjesë shumë e rëndësishme, sepse gjithçka kalon mbi Grenlandë. Nëse djemtë e këqij fillojnë të qëllojnë, ajo kalon mbi Grenlandë. Kështu që ne e rrëzojmë. Është pothuajse e pagabueshme. Është e mahnitshme”, tha ai.
