Banorët e Ishullit Jugor të Zelandës së Re në mëngjes janë zgjuar me një pamje aspak të këndshme. Dielli dukej i kuq, ndërsa qielli kishte marrë ngjyrë të portokalltë. Kjo pamje ishte pasojë e tymit të ardhur nga zjarret e mëdha të Australisë.

Meteorologu Cameron Coutts tha se shkalla e lartë e zjarreve të Australisë në ditët e kaluara ka ndikuar që ajri në Zelandën e Re të ndotet dhe se kjo është hera e katërt gjatë këtij sezoni që ky vend preket nga zjarret e shtetit fqinj.

Coutts tha se ky tym mund t'i shtojë gjasat për shi dhe stuhi në Ishullin Jugor. Kjo gjendje e motit u parashikua se do të mbretërorë gjatë ditës së parë të vitit 2020.

Turistët në qytetin Wanaka ishin të parët që e hetuan tymin dhe shumë prej tyre thanë se po mund të nuhasin një erë tymi në ajër.

Megjithatë, një zëdhënës i autoriteteve lokale tha se nuk është aktivizuar ndonjë alarm shëndetësor shkaku i këtij tymi dhe se ai nuk paraqet rrezik për banorët, shkruan "The Guardian", transmeton Gazeta Express.