Këngëtarja Fjolla Morina sot është dënuar me gjashtë vjet burg nga Gjykata e Kukësit

Avokatja e këngëtares Aurora Guska, është shprehur se vendimi i gjykatës do të ankimohet. Guska u shpreh se Fjolla ka pasur në çantë vetëm një armë, edhe atë aksidentalisht.

“Vendimin e gjykatës do ta ankimojmë. Ka pasur vetëm një armë, e ka pasur pa dashje, aksidentalisht në çantën e saj,” u shpreh avokatja e saj.

Kujtojmë se Fjolla Morina u arrestua pasi u kap me dy pistoleta në çantë gjatë tentativës për të kaluar kufirin drejt Shqipërisë nga dogana e Morinës, e shoqëruar nga shoferi dhe biznesmeni Fisnik Syla me të cilin u martua pak ditë më parë.

Gjykata e Kukësit dha masën e arrestit në shtëpi, dhe këngëtarja mori me qira një banesë në Kukës, ku do të duhej të qëndronte të paktën deri në seancën e radhës.

Derisa ajo fillimisht postojë një fotografi me një luan dhe një thënie në gjuhën angleze në të cilën thuhej: “Bota është një xhungël. Ose lufton për atë që do ose nëpërkëmbesh nga ata që duan më shumë”.

Ajo pas disa ore ka postuar një video ku shihet duke bërë shoping në shitore të Versaces. /GazetaExpress/