Deputetja e Lidhjes Demokratike të Kosovës (LDK), Hykmete Bajrami, ka thënë në “Pressing” të T7, se kthimin potencial të  Vjosa Osmanit në LDK nuk e sheh shumë të natyrshëm dhe të lehtë.

Ajo tha se Osmani e ka për obligim një kërkim falje votuesve të LDK-së.

Bajrami tha se Osmani i ka shkaktuar dëm të madh elektoral LDK-së dhe e ka rritur Lëvizjen Vetëvendosje.

“Zonja Osmani nuk ka qenë në studime jashtë shtetit që me u kthy kaq lehtë, në vitin 2021 ka dalë nga LDK-ja dhe ia ka shkaktu një humbje të thellë, e ka rritur Albin Kurtin dhe në atë kohë elektorati ynë janë hidheru shumë me Vjosa Osmanin që hidhërimi nuk i ka kaluar edhe sot. Duhet me bë një analizë që cila do të jetë pritja e zonjës Osmani, se çfarë efekti ka me qenë prurja e zonjës Osmani”, ka thënë ajo. /Gazeta Express