Një aksident i rëndë trafiku ndodhi mbrëmë në hyrje të Gjilanit, saktësisht në fshatin Bresalc.
Një autoambulancë që po transferonte një pacient nga Spitali i Gjilanit drejt QKUK-së përfundoi e rrokullisur.
Si pasojë e këtij aksidenti ka ndërruar jetë pacienti, i cili po transferohej për në Qendrën Klinike Universitare të Kosovës.
Rasti është konfirmuar nga zëdhënësi i policisë për Rajonin e Gjilanit, Ismet Hashani.
“Më 29.91.2020 rreth orës 23:00 jemi informuar nga QKUK-ja e Prishtinës se pasagjeri, që ishte transferuar në QKUK-Prishtinë për trajtim mjekësor nga lëndimet e marra në aksidentin e komunikacionit ka ndërruar jetë”, tha Hashani.
