UEFA e ka zbuluar ekipin ideal të Kampionatit Europian, i cili përfundoi të dielën mbrëma.

Ekipi ideal i Euro 2024 pa dyshim që mbulohet me një pjesë të mirë të futbollistëve spanjollë, të cilët e fituan këtë kompeticion, më saktësisht 6 nga 11.

Në mbrojtje në të majtë gjendet Cucurella, ndërsa mesfusha është e tëra spanjolle – Fabian Ruiz, Olmo e Rodri.

Kurse, në krahë në sulm gjenden dy sensazionet, Nico Williams dhe Lamine Yamal, shkruan "Gazeta Express".

Në portë është vendosur portieri i Francës, Maignan, ndërsa në zemër të mbrojtjes Saliba e Akanji, kurse në të djathtë finalisti me Anglinë, Walker.

E në qendër të sulmit u vendos Musiala i Gjermanisë.

UEFA ka kërkuar nga 12 vëzhgues teknikë për ta bërë ekipin ideal, përfshirë këtu edhe Rafa Benitezin, David Moyes, Solskjaer etj. /Gazeta Express/