Rusia ka thënë se trupat e 1,000 ushtarëve ukrainas janë kthyer nga Kievi, në shkëmbimin e fundit midis vendeve ndërluftuese.

Rusia mori 38 trupa në këmbim, tha kryenegociatori i Moskës, Vladimir Medinsky, ka raportuar BBC, trnasmeton Gazeta Express.

Medinsky postoi një foto në Telegram që me sa duket tregon shkëmbimin, me individë të veshur me kostume biologjike që qëndrojnë pranë një rreshti kamionësh frigoriferikë të bardhë që përdoren për të transportuar trupat.

Kiev dhe Moska kanë shkëmbyer mijëra trupa ushtarësh gjatë konfliktit pothuajse katërvjeçar. Shkëmbimi i fundit u zhvillua sipas një marrëveshjeje të arritur nga të dyja palët gjatë negociatave në Stamboll në vitin 2025.

Sipas kësaj marrëveshjeje, Moska dhe Kievi ranë dakord të kthejnë trupat e 12,000 ushtarëve, si dhe të gjithë të burgosurit e luftës të sëmurë dhe të plagosur rëndë dhe ata nën moshën 25 vjeç.