Pas një sezoni rekord me 5 gola dhe 12 asistime në 22 ndeshje, Federico Dimarco po konfirmohet si një nga mbrojtësit e krahut më të mirë në Evropë.

Lojtari i “Nerazzurrëve” po tërheq natyrshëm vëmendjen e shumë klubeve evropiane, veçanërisht në Premierligë.

Një vit më parë, Arsenal kishte bërë një përpjekje, dhe tani thuhet se Manchester United është duke e ndjekur Dimarcon.

Një përfaqësues i “Red Devils” pritet të jetë nesër në Milano për “Derby d’Italia” për të parë nga afër ish-lojtarin e Veronas.

Inter, qartazi, nuk dëshiron të humbasë një lojtar kyç si Dimarco, edhe pse klubi kishte shtyrë bisedimet për rinovimin e kontratës një vit më parë.

Tani, megjithatë, siguria e mbrojtësit të lindur në 1997 bëhet një prioritet, pasi kontrata e tij aktuale skadon pas pak më shumë se një viti.

Plani është ta zgjerojnë kontratën deri në 2030, me një pagë prej 5.5 milion euro për sezon./GazetaExpress/