Kombëtarja e Zvicrës sonte e ka zhvilluar stërvitjen e saj të fundit, para ndeshjes me Kosovën nesër.

“Helvetikët” u stërviten nga ora 17:00 në stadiumin “Fadil Vokrri”.

Mirëpo, në një pjesë të stërvitjes, zviceranët mbeten në terr, pasi rryma u ndal në stadiumin “Fadil Vokrri”.

Por, duket se kombëtarja zvicerane e mori me sportivitet këtë situatë.

“Upss... fiken dritat...”, shkruan faqja zyrtare e kombëtares së Zvicrës në “Instagram”.

Ndeshja Kosovë – Zvicër luhet nesër me fillim nga ora 20:45, e cila luhet në kuadër të xhiros së fundit të kualifikimeve për Botërorin e vitit 2026./GazetaExpress/