Ishin vitet e ‘80ta atëherë kur ky mjet i komunikimit shfrytëzohej shumë. Mijëra porosi shpërndaheshin brenda e jashtë Kosovës.
Gazetare: Ardita Rashiti
Shumë porosi kanë arritur në vend, e të tjera kanë për destinacion shtetet jashtë Kosovës.
Por në mesin e dhjetëra porosive, rrallëkund gjinden kartolinat.
Këto të fundit që dikur paraqisnin një ndër mjetet e pakta të komunikimit, sot mezi dallohen në hapësirat e shërbimeve postare.
Por sipas Agron Ruhani, koordinator i postës ndërkombëtare në Postën e Kosovës thotë që ishin vitet e ‘80ta atëherë kur shfrytëzimi i kësaj mundësie ishte i domosdoshëm.
Mijëra kartolina dorëzoheshin për t’u shpërndarë tutje brenda e jashtë Kosovës.
E ato që i mbulon pluhuri i historisë, në fundvit aktualizohen përsëri, por tani në një masë shumë më të vogël.
Qytetarët të cilët gjatë tërë vitit iu kanë përshtatur zhvillimit të teknologjisë, për festa të fundvitit nostalgjia i kthen në kohë.
E zakonisht të gjitha kartolinat kanë për destinacionin Gjermaninë e Zvicrën, atje ku qëndrojnë shumica e bashkatdhetarëve tanë.
