Liverpooli po përgatitet për njërën prej sfidave më të pritura dhe më të rëndësishme të sezonit.

Nesër mbrëma “Reds” do ta bëjnë një vizitë në Londër ku do t’i presë Arsenali, lider aktual i Premierligës, për një konfrontim që shihet si shpresa e fundit për të vazhduar ende për t’i kultivuar shpresat e përmbysjes.

Kampionët në fuqi do të arrijnë në Londër të vetëdijshëm me vështirësinë e këtij angazhimi, por edhe të motivuar nga ajo që kishin bërë në përballjen e parë: në “Anfield”, ishte Liverpooli ai që ishte më i mirë se skuadra e Mikel Artetas, shkruan “Gazeta Express”.

E për të folur për këtë super-përballje është përkujdesur kapiteni Virgil van Dijk, i cili foli pas bararimit 2:2 ndaj Fulhamnit të dielën që shkoi në “Craven Cottage”.

“Do të jetë një betejë e madhe, duhet të jemi të gatshëm”, u shpreh mbrojtësi holandez, duke e nënvizuar kualitetin dhe forcën e ekipit kundërshtar.

“Arsenali e ka një skuadër fantastike me kualitete të larta, si në mesin e titullarëve ashtu edhe në bankinë. E dimë të gjithë që në shtëpi janë të pamposhtur në këtë sezon, mendoj në krejt kompeticionet. Do të jetë një sfidë mjaft angazhuese dhe duhet të gjendemi të gatshëm për një betejë të vërtetë. Mezi pres të luaj dhe mendoj se të gjithë duhet të përballemi me ndeshje si kjo me entuziazëm. Është mënyra e vetme për të provuar që ta nxjerrim një rezultat, është një tjetër mundësi e madhe”, përfundoi Van Dijk. /Gazeta Express