Bisedimet mes Fenerbahçes dhe Manchester Cityt për transferimin e portierit brazilian Éderson po vazhdojnë edhe sot, teksa klubi turk po bën përpjekje të mëdha për të bindur kampionët e Anglisë.

Oferta fillestare prej 12 milionë eurosh nuk ka mjaftuar për të kënaqur drejtuesit e “Citizens”, por Fenerbahçe nuk ka hequr dorë dhe pritet të rikthehet me kushte të përmirësuara.

Negociatat po drejtohen nga agjenti i njohur Jorge Mendes, i cili po luan rol kyç në ecurinë e këtij procesi.

Éderson, i cili është pjesë e Manchester Cityt që nga viti 2017, shihet si një përforcim madhor për portën e gjigantëve turq, të cilët kanë ambicie të mëdha si në kampionat ashtu edhe në garat evropiane.

Ende nuk ka një marrëveshje përfundimtare, por insistimi i Fenerbahçes dhe gatishmëria e Mendes për të shtyrë bisedimet mund të sjellin një zhvillim të rëndësishëm në orët e ardhshme të merkatos.