Është ndarë nga jeta aktorja Leze Qena.
Është shuar ikona e aktrimit kosovar, Leze Qena, në moshën 85 vjecare, mëngjesin e sotëm.
Ajo ka vdekur vetëm pak minuta më parë në Mjekimin Intenziv në QKUK.
Lajmin për Gazetën Express e ka konfirmuar Shefi i Intenzivës në QKUKU, Shaqir Uka.
Ai ka treguar se aktorja është shtruar në spital 20 ditë më parë.
“Është pranuar në mjekimin Intensiv me 6 mars. Për shkak të një problemi që e ka pasur në regjionin e barkut, ne ia kemi bërë një intervenim kirurgjik. Pacientja ka ndërruar jetë sot në orën 09:50”, ka thënë Uka.
Aktorja ishte pjesë e shumë filmave, serialeve vendore dhe përtej saj. Së fundi ishte pjesë e serialit “Çka ka shpija”./Gazeta Express
