Bashkëthemeluesi i gjigantit të modës online Asos vdiq pasi ra nga ballkoni i një blloku apartamentesh shumëkatësh në Tajlandë, tha policia.
Quentin Griffiths është identifikuar nga policia tajlandeze si burri i gjetur i vdekur në tokë në qytetin bregdetar lindor të Pattayas më 9 shkurt, raporton BBC.
Një hetues policie i tha BBC-së se Griffiths, ishte vetëm në dhomë, dhe dera e tij ishte e mbyllur nga brenda dhe nuk kishte asnjë gjurmë të ndonjë vjedhjeje në kohën e vdekjes. Autopsia nuk zbuloi asnjë provë të ndonjë veprimi të paligjshëm.
Griffiths bashkëthemeloi Asos-in në vitin 2000 dhe mbeti një aksionar i rëndësishëm pasi u largua nga firma pesë vjet më vonë.
