Motoristi zviceran i Moto3, Jason Dupasquier ka vdekur sot pas plagëve të marra në një aksident gjatë garës kualifikuese në Itali, e zhvilluar dje.
Dupasquier, 19 vjeç, u godit nga një motoçikletë tjetër pasi ra dhe rrëshqiti përgjatë pistës në Qarkun Mugello.
Ai u dërgua me urgjencë pastaj në spitalin e Florencës, megjithatë nuk ka arritur t'i mbijetojë plagëve të marra.
Dupasquier pati paraqitje fantastike këtë edicion dhe ishte një yll që premtonte shumë në këtë sport. /Gazeta Express/
