Një nga boksierët më të mëdhenj në histori, kampioni olimpik dhe dy herë kampioni i botës në peshat e rënda, George Foreman, ka vdekur në moshën 76-vjeçare.

Foreman ka lënë pas 12 fëmijë nga pesë gra, dhe familja e tij nuk ka dhënë shkakun e vdekjes në paralajmërimin e bërë.

“Zemrat tona janë thyer. Me pikëllim të madh njoftojmë ndarjen nga jeta të të dashurit tonë George Foreman Sr. Ai ndërroi jetë i qetë, i rrethuar nga të dashurit e tij”.

“Një humanitar, fitues olimpik dhe dy herë kampion bote në peshën e rëndë, ai ishte shumë i respektuar. I njohur si një njeri i mirë, i disiplinuar, i vendosur.

“Ai e ka ruajtur trashëgiminë e tij dhe lufton pa u lodhur për të ruajtur emrin dhe familjen e tij”, ka postuar familja në Instagram.

Foreman u bë i famshëm duke fituar medaljen e artë olimpike në vitin 1968 dhe festimi i tij i bujshëm i medaljes së artë në Meksikë me flamurin amerikan është një nga skenat e historisë.

Më pas u bë profesionist dhe në vitin 1973, duke mposhtur në Xhamajkë të preferuarin Joe Frazier, u bë për herë të parë kampion i botës në peshën e rëndë.

Ai e mbrojti titullin dy herë, më pas humbi nga Muhamed Ali në luftën e famshme të shekullit, e njohur si “Rumble in the Jungle”, e cila u zhvillua në Kongo.

Foreman u rikthye në krye të boksit në vitin 1994 kur fitoi rripin e peshave të rënda në moshën 45-vjeçare duke mundur Michael Moorer, duke u bërë kampioni më i vjetër në histori.

Meqë ra fjala, ai njihej edhe si predikues dhe fitoi qindra milionë dollarë nga shitja e një skare elektrike me emrin e tij.