Gjenerali francez Philippe Morillon, ish-komandant i forcave të OKB-së në Bosnjë dhe Hercegovinë, vdiq të enjten, njoftoi sot në rrjetin social X ushtria franceze dhe ministrja e Forcave të Armatosura, Catherine Vautrin.

"Ju tani jeni nën mbrojtjen e OKB-së."

Këto janë fjalët që tha Morillon 30 vjet më parë në Srebrenicë.

Pas një takimi me përfaqësuesit e autoriteteve ushtarake dhe civile, Gjenerali Morillon donte të largohej nga Srebrenica, por u pengua nga një turmë, kryesisht gra dhe fëmijë, të mbledhur para ndërtesës së postës ku u mbajt takimi.

Ndërsa Morillon ishte në Srebrenicë, filluan të mbërrinin konvoje me ushqime. Mbërritën edhe përfaqësues të disa organizatave ndërkombëtare. Erdhën UNHCR, Kryqi i Kuq Ndërkombëtar dhe Mjekët pa Kufij. Të plagosurit dhe të sëmurët rëndë u evakuuan në Tuzla.

Pak më shumë se dy vjet pasi Morillon u largua nga Srebrenica, pasoi një eksod dhe gjenocid.

17 vjet më vonë, në vitin 2010, ai erdhi në Srebrenicë si pensionist për t'u bërë homazhe viktimave në Qendrën Përkujtimore të Potoçarit dhe, siç tha ai, për të treguar se çfarë ndodhi 27 muaj pas largimit të tij. Gratë nga disa shoqata të viktimave të gjenocidit i thanë më pas se ai nuk ishte i mirëpritur në Potoçari.