Trajneri i Flamurtarit në basketboll për femra, Viron Toska është ndarë nga jeta në moshën 60-vjeçare, pasi prej ditësh ishte duke u trajtuar nga koronavirusi.
Toska ishte shtruar në spital prej disa ditësh dhe së fundi gjendja ishte përkeqësuar, ndaj ishte vendosur në intubim, por nuk ia doli të rikuperojë dhe u nda nga jeta mëngjesin e sotëm.
Viron Toska drejtonte prej vitesh skuadrën e Flamurtarit në basketboll për femra, duke arritur të fitojë edhe tituj të shumtë kampionë dhe duke shkruar historinë me këtë ekip.
