Zoca, vëllai i legjendës së futbollit brazilian Pele, ka vdekur të mërkurën mbrëma në moshën 77-vjeçare.
Ai ishte i shtrirë në spitalin e Santosit pasi vuante nga sëmundja e kancerit, transmeton Gazeta Express.
Klubi i Santosit njoftoi për vdekjen e tij përmes një postimi në rrjetet sociale.
Dy vjet më i ri se Pele, Zoca luajti për Santosin mes viteve 1961 dhe 1962. Megjithatë, karriera e tij ishte e shkurtër. Ai i zhvilloi vetëm 15 ndeshje, duke i shënuar katër gola.
Ai e braktisi futbollin profesionist dhe e nisi punën për kompanitë e familjes.
Varrimi i tij do të bëhet sot në Santos në një ceremoni të kufizuar. Pjesëmarrja e Peles nuk është konfirmuar. /Gazeta Express/
Jair Arantes do Nascimento, o Zoca, irmão do nosso Rei, faleceu na noite desta quarta, aos 77 anos. Zoca chegou a atuar na base do Peixão quando era mais novo. Sentimentos ao nosso ídolo Pelé e a toda sua querida família. Descanse em paz, Zoca. Obrigado por tudo! ? pic.twitter.com/5mHy9c3Anb
