Analisti politik, Blerim Vela, ka reaguar pas sulmit që i është bërë gazetarit të Indeksonline, Ensar Ramadanit nga ana e ministrit të Tregtisë dhe Industrisë, Endrit Shala.

Ai ka thënë se pasi që gjykata e dënon me gjobë për posedim të armës atëherë ai merr zemër të sulmon edhe gazetarë.

Ai ka pyetur se kur do të dënoj Gjykata personat në pushtet sipas ligjit.

“Kur Gjykata të dënon me gjobë për posedim të paautorizuar dhe përdorim te armës, atëherë merr zemër sulmon edhe gazetar. A do ta dënoj gjykata përsëri me dënim me gjobë apo më në fund do të merr guximin që ta dënoj sipas ligjit personat në pushtet? #ProntoShteti”, ka thënë ai.

Ndryshe, Shala është bërë i famshëm në nëntor të vitit të kaluar kur u shfaq në një video teksa gjuante me armë zjarri nga oda e shefit të tij, Fatmir Limajt, në fshatin Banjë të Malishevës.

Gazetari ishte në QKUK duke përcjellur gjendjen shëndetësore të të plagosurit, Luam Maloku, që është këshilltarit i Fatmir Limaj, kur mediumi Indeksonline pretendon se Endrit Shala e ka goditur në fytyrë pa asnjë arsye.

Gazetari i është drejtuar menjëherë Stacionit më të afërt të Policisë ku e ka paraqitur rastin.