Kryetari i PDK-së, Kadri Veseli ka komentuar marrëveshjen për linjën ajrore Prishtinë – Beograd duke vlerësuar ndihmën dhe mbështetjen e Presidentit të SHBA-së, Donald Trump për Kosovën.
Veseli përmes një postimi në Twitter, ka shkruar se marrëveshja për vendosjen e linjës së re ajrore dhe përshëndetja e dedikuar që i bëri presidenti Donald Trump, janë dëshmi e vëmendjes së vazhdueshme dhe kujdesit të pandalur të Shteteve të Bashkuara të Amerikës ndaj Republikës së Kosovës dhe stabilitetit të rajonit tonë.
“Ne jemi të nderuar e krenar që gëzojmë këtë mbështetje amerikane dhe ndihemi se jemi në rrugën e drejtë e të sigurt kurdoherë që është e përfshirë dhe e angazhuar SHBA-ja”, ka shkruar ai.
We are grateful to President Trump for the continued attention and care that he demonstrates towards Kosovo. We know that we are on the right track in any process when we have the US support. Many thanks to Amb @RichardGrenell & Nat. Se.Adv. @robertcobrien for the decisive role https://t.co/XlWjKJ1WsJ
