Nuk është bërë në Premier League që nga viti 2011

Viktor Gyokeres është duke ndjekur një arritje që asnjë lojtar i Premier League nuk e ka realizuar për 14 vite, kur Arsenali përballet me Nottingham Forest.

Gyokeres mbërriti me një reputacion të madh pasi u shndërrua në njërin nga sulmuesit më vdekjeprurës në botë gjatë kohës së tij me Sporting në Portugali.

Arsenali fitoi garën për firmën e tij mes interesimit nga Manchester United dhe klube të tjera evropiane, duke paguar 64 milionë £ për t’i dhënë më në fund Mikel Artetës sulmuesin e klasit botëror që tifozët kishin kohë që e prisnin.

Pas një debutimi zhgënjyes kundër United, Gyokeres u zhbllokua në fitoren 6-0 ndaj Leeds në “Emirates”, duke shënuar dy gola, përpara se të kishte shumë pak ndikim në humbjen e Arsenalit në “Anfield” kundër kampionëve të Premier League, Liverpool.

Pas dy golave kundër Leeds, Gyokeres mund të bëjë histori duke u bërë vetëm lojtari i tretë në histori që arrin një rekord interesant golashënuesi.

Sulmuesi suedez do të barazonte David Hirst (1992) dhe Sergio Agueron (2011), të cilët aktualisht janë të vetmit dy lojtarë që kanë shënuar dy ose më shumë gola në dy paraqitjet e tyre të para në shtëpi në Premier League.

Gyokeres ka shtatë gola në 10 ndeshjet e tij të fundit në shtëpi me Arsenal dhe Sporting, gjë që sugjeron se shanset janë në favorin e tij për një tjetër performancë të mirë para portës.

“Topçinjtë” përballen me Nottingham Forest, që do të jetë hera e parë e Ange Postecoglou në stol pas zëvendësimit të Nuno Espirito Santo.

Postecoglou pësoi humbje në të dyja përballjet e derbit të veriut të Londrës sezonin e kaluar dhe linja e tij e mbrojtjes me presion të lartë mund të shkojë drejtpërdrejt në favor të forcave më të mëdha të Gyokeres.

Forest ende nuk ka arritur të mbajë një portë të paprekur këtë sezon.

Jamie Carragher mendon se Havertz do ta zëvendësojë Gyokeres

Duket se ende nuk ka një mendim përfundimtar nëse Gyokeres do të ketë sukses te “Emirates”, me Jamie Carragher që nuk është shumë i bindur pas tri paraqitjeve të para të tij.

Mbrojtësi i dikurshëm i Liverpool beson se Arteta do të kthehet te përdorimi i Kai Havertz si sulmues qendror sapo gjermani të rikthehet në formë të plotë.

Ai tha në “Overlap”:

“E thamë më parë se nuk duhet të gjykojmë lojtarë pas tri ndeshjesh, por kishte shumë diskutime para se të vinte për rekordin e tij të golave [që ishte] i jashtëzakonshëm.

“Por kishte edhe nga ata që thoshin ‘Nuk jam i sigurt nëse ky djalë është mjaftueshëm i mirë për elitën e vërtetë’.

“Tani, e kemi parë vetëm në tri ndeshje. Ai tashmë ka dy gola, por nuk është lojtari më i bukur për t’u parë, apo jo? Unë ende jam i bindur se kur Havertz të jetë i gatshëm, ai do të luajë ndeshjet më të rëndësishme.” /GazetaExpress/