Presidenti i Rusisë, Vladimir Putin, ka deklaruar se konflikti në Iran ka shkaktuar një krizë globale energjetike, duke paralajmëruar se furnizimi me naftë që varet nga transporti përmes Gjirit të Hormuzit mund të ndërpritet plotësisht.

Gjatë një mbledhjeje qeveritare të fokusuar në tregun e hidrokarbureve, Putin theksoi se situata në Lindjen e Mesme po krijon tensione të mëdha në tregjet energjetike ndërkombëtare.

Rusia, e cila është eksportuesi i dytë më i madh i naftës në botë dhe zotëron rezervat më të mëdha të gazit natyror, sipas tij është e gatshme të rikthejë bashkëpunimin edhe me vendet e European Union.

“Ne jemi të gatshëm të bashkëpunojmë me europianët, por kemi nevojë për sinjale se edhe ata janë të gatshëm dhe të interesuar për një bashkëpunim afatgjatë, pa politizim”, deklaroi Vladimir Putin, transmeto Panorama.

Ai shtoi gjithashtu se kompanitë ruse duhet të përfitojnë nga situata aktuale në Lindjen e Mesme, megjithëse pranoi se rritja e fortë e çmimeve të energjisë mund të jetë vetëm e përkohshme.