Mesfushori kosovar para 18 muajsh vlerësohej 48 milionë euro, ndërsa tash vlera e kartonit të tij është 29 milionë
Vlera e Granit Xhakës ka pësuar rënie konstante në dy sezonet e fundit.
Mesfushori kosovar para dy vjetësh ishte në kulmin e karrierës dhe vlera e tij ishte 48 milionë euro.
Mirëpo, rënia e formës së tij dhe problemet që i kishte me tifozët e Arsenalit, kanë bërë që vlera e përfaqësuesit zviceran të kishte rënie të madhe.
Brenda 18 muajsh, vlera e 27 vjeçarit ka rënë për 40 për qind, njofton uebfaqja që merret me vlerën e lojtarëve “Transfermarkt”.
Tash, ish-futbollisti i Baselit dhe Borussia Monchengladbachut vlen vetëm 29 milionë euro.
Xhakën në Londër e kishte transferuar trajneri i atëhershëm Arsene Wenger dhe vlera e tij ishte rritur.
Gjatë janarit, futbollisti kosovar ishte pranë largimit nga “Emirates Stadium” dhe spekulohej për një transferim të tij të mundshëm tek Hertha Berlini.
Por, trajneri i ri, Mikel Arteta e bindi mesfushorin kualitativ të mbetej në Londër.
Tash, Xhaka është duke i rifituar zemrat e tifozëve të Arsenalit, me synimin që bashkërisht të arrijnë suksese në të ardhmen.
Gjithashtu, ai po punon që ta rikthejë formën e dikurshme dhe t’i ngritet sërish vlera në treg. /Gazeta Express/
