Mërgim Vojvoda po shkëlqen si një nga liderët më të rëndësishëm të futbollit shqiptar, duke qenë pjesë e kapitenëve të Kosovës dhe njëkohësisht duke qenë pjesë e grupit të kapitenëve te Como 1907 në Serie A.
Me mbi 68 paraqitje për Kosovën, ai ka më së shumti paraqitje dhe ka udhëhequr ekipin drejt momenteve historike si fitorja 1-0 ndaj Suedisë dhe ngritja në Ligën B të Ligës së Kombeve.
“Është një arritje historike për vendin,” thotë Vojvoda.
Edhe te Como, 30-vjeçari ka fituar respektin e të gjithëve. Pavarësisht se mbërriti i dëmtuar, ai shpërtheu me një paraqitje të jashtëzakonshme kundër Torinos me 1 gol dhe 2 asiste, ndërsa lëvdohet për profesionalizmin dhe rolin e tij udhëheqës në një projekt ambicioz të drejtuar nga Cesc Fàbregas.
“Kam marrë rrugën e vështirë, por gjithmonë kam besuar te vetja,” thotë ai në një intervistë për faqen zyrtare të klubit.
Vojvoda mbetet një figurë kyçe si për të ardhmen e Kosovës, ashtu edhe për suksesin e Como-s.
/GazetaExpress/
