Presidentja e Komisionit Evropian, Ursula von der Leyen, ka folur në platformën e mediave sociale X në lidhje me zhvillimet në Lindjen e Mesme.
Në postimin e saj, Von der Leyen theksoi, siç thotë ajo, "tre gjëra të qarta" dhe i bëri thirrje Iranit të ndalojë sulmet, me një apel për të kërkuar një zgjidhje përmes diplomacisë.
"Situata në Lindjen e Mesme mbetet e paqëndrueshme. Megjithatë, tre gjëra janë të qarta", filloi Von der Leyen dhe vazhdoi:
The situation in the Middle East remains volatile.
But three things are clear:
First, there is renewed hope for the long-suffering people of Iran.
We strongly support their right to determine their own future.
Second, we must do everything possible to de-escalate and stop the… pic.twitter.com/LIId5FFGcI
"Së pari, ka shpresë të re për popullin e Iranit që ka vuajtur shumë. Ne e mbështesim fuqimisht të drejtën e tyre për të përcaktuar të ardhmen e tyre. Së dyti, duhet të bëjmë gjithçka që është e mundur për të ulur tensionet dhe për të parandaluar përhapjen e konfliktit. Irani duhet të ndalojë sulmet e tij të pamatura dhe pa dallim ndaj fqinjëve dhe shteteve sovrane. Së treti, stabiliteti i rajonit është me rëndësi të madhe."
"E vetmja zgjidhje e qëndrueshme është ajo diplomatike. Kjo do të thotë një tranzicion i besueshëm për Iranin, duke përfshirë ndërprerjen e programeve të tij bërthamore dhe të raketave balistike, si dhe fundin e aktiviteteve destabilizuese në rajon. Sepse, nga çështjet e energjisë dhe ato bërthamore deri te migrimi dhe siguria, Evropa duhet të jetë e përgatitur për pasojat e ngjarjeve të fundit", shkroi ajo.
Presidentja e Komisionit Evropian theksoi gjithashtu se situata e përgjithshme do të diskutohet në një takim të Këshillit të Sigurimit këtë pasdite.
