Udhëheqësi i ri suprem i Iranit, Ajatollah Mojtaba Khamenei, bëri thirrje të premten që kombeve armike t’u merret “siguria”, në mesazhin e tij më të fundit për publikun.

Khamenei i bëri këto komente në një deklaratë të lëshuar në emër të tij drejtuar Presidentit Masoud Pezeshkian, pasi Izraeli vrau ministrin e Inteligjencës, Esmail Khatib, shkruan Euronews, transmeton Gazeta Express.

Khamenei nuk është parë në publik që kur u emërua udhëheqës suprem, duke pasuar babanë e tij, udhëheqësin suprem 86-vjeçar Ajatollah Ali Khamenei, i cili u vra në një sulm ajror izraelit në ditën e parë të luftës më 28 shkurt.

Ka pasur gjithnjë e më shumë komente nga zyrtarë amerikanë dhe izraelitë se Mojtaba Khamenei është plagosur gjatë luftës.

Izraeli e goditi Teheranin me sulme ajrore të premten në mëngjes, me shpërthime të raportuara në të gjithë qytetin ndërsa iranianët shënuan Novruzin, Vitin e Ri persian.