Një përleshje me thika mes dy grupeve të të rinjve në fshatin Dragobil të Malishevës ka përfunduar me vrasje. Aty ka mbetur i vdekur një 19 vjeçar, raporton Express.

Rastin për Express e ka konfirmuar Prokurori Ramiz Buzhala.

“Janë dy grupe dhe janë të përfshirë 8 persona, të ndamë në grupe nga 4 persona. Prej njërit grup është një i vdekur i vitit të lindjes 2000. Është përdorur thika dy herë. Rasti është iniciuar si pjesëmarrje në rrahje dhe vrasje. Është intervistu personi që po dyshohet se e ka kry vrasjen. Për arsyet më banale të mundshme ka ndodhur rasti. Me kerre, jo m’kqyre jo anej. Jam tu shku me ba kërkesën për caktimin e masës së sigurisë. Kufoma është në Prishtinë për autopsi”, ka thënë Buzhala për Express./Gazeta Express