Presidenti serb Aleksandar Vuçiq në një konferencë për media në Tiranë pas takimit të “Mini-Shengenit” shtroi edhe shqetësimin e ikjes së të rinjve nga Ballkani Perëndimor dhe se shpreson që me këtë nismë rajoni të bashkohet për të parandaluar këtë dukuri.

Tutje kreu i shtetit serb ka aktruar pak, duke thënë se është i zemëruar me Edi Ramën pse po mbrohet nga ata që dëshirojnë ta kthejnë rajonin në shekullin 17'të.

“Unë u zemërova pak më parë me mikun Edi Ramën sepse gjithë kohën dukej sikur mbrohej. Përse duhet të mbrohemi dhe për çka? Për atë që po përpiqemi t’i bëjmë gjërat më të mira për vendet tona? Të mbrohemi nga ata që na duan të na shohin prapa në shekullin e 17-të dhe që dëshirojnë të na shohin duke luftuar përsëri me njëri-tjetrin apo të punojmë dhe të jetojmë afër njëri-tjetrit dhe të kemi një të ardhme normale?”.

“Duhet të mendojmë se si duhet ta ndihmojnë njëri-tjetrin. Mbrëmë në koncert u kënaqa dhe u ndjeva i trishtuar. E njoha shumë më tepër kulturën shqiptare se më parë dhe duhet ta falënderoj Ramën që na dha këtë mundësi”.

“Na thoni një gjë të vetme të keqe që po bëjmë këtu. Jam shumë i kënaqur nga të gjithë këta që janë të pranishëm, por nuk mund të marr rolin e patronit është më e rëndësishme është ajo që mendojnë qytetarët. Çfarë të keqe ka kjo për popujt tonë që Serbia të jetë në gjendje të jetë ofrojë ndihmën e vet dhe të ofrojë një shtëpi për familjen shqiptare?”.

“Do të ushqejmë shumë familje shqiptare, serbe e maqedonase. Pse duhet të kemi turp për këtë? Mund të ndërtojmë një fabrikë në Shqipëri. Më lejoni të them një gjë: Kjo gjë nuk do të finalizohet në tre muaj dhe nuk do të shikohen rezultatet në 3 apo 4 muaj. Për të krujar një mjedis të tillë duhen vite”.

Vuçiq tha se Serbia është drejt rrugës evropiane dhe për këtë gjë po bën përpjekje që gjashtë vjet.