KHF Vushtrria e ka humbur ndeshjen e parë të raundit të dytë të Kupës Evropiane. Të shtunën mbrëma në Nottwil të Zvicrës, Vushtrria pësoi nga skuadra e njohur zvicerane, SPONO Eagles me rezultatin e lartë, 42:14.
Përvoja, por edhe cilësia ishte në anën e skuadrës zvicerane që arriti te fitorja bindëse. Pas pjesës së parë rezultati ishte 21:7.
Burneta Rama shënoi 5 gola nga 18 tentime për kampionen tonë. Kosovare Avdiu realizoi 3 gola nga 5 tentime, kurse Shqipe Tahiri kishte 2 gola nga 5 tentime.
Ndeshja e dytë është menjëherë nesër nga ora 19:00 po në Nottwil.
