Theo Walcott beson se talenti i ri i Arsenalit, Max Dowman, ka ngjashmëri me Lionel Messin, pas paraqitjes mbresëlënëse të 15-vjeçarit në fitoren 5-0 të Gunners ndaj Leeds United.
Dowman debutoi të shtunën në Emirates Stadium vetëm në moshën 15 vjeç e 234 ditë, duke u bërë lojtari i dytë më i ri në histori të Premier League, pak më i madh se shoku i tij i skuadrës, Ethan Nwaneri, i cili debutoi në 15 vjeç e 180 ditë në 2022. Ai është gjithashtu i treti që shfaqet në Premier League para se të mbushë 16 vjeç, bashkë me Nwaneri dhe Jeremy Monga të Leicester City (15 vjeç e 271 ditë).
Ai la menjëherë gjurmë pas futjes në minutën e 64-të në vend të Noni Madueke, duke provuar dy gjuajtje, përfunduar tre driblime dhe fituar pesë nga shtatë duelit. Po ashtu, ai fitoi penalltinë në kohën shtesë që Viktor Gyokeres shënoi për golin e tij të dytë.
Walcott, i cili vetë u bë i njohur si talent i ri, shpreh se aftësia e Dowman për të kaluar mbrojtësit i kujton Messin:
“Ai bart topin, është më i shpejtë me topin. Është si Messi. Më kujtohet kur luaja kundër Messit – kur nuk kishte top, nuk ishte i shpejtë. Ndoshta sepse unë isha më i shpejtë se shumica,” tha Walcott.
“Kur kishte topin, ai vetëm fluturonte përtej njerëzve, edhe mua e kalonte lehtësisht. [Dowman] e ka këtë, ka atë lëvizje stop-start. Çfarë është me të vërtetë magjepsëse është se [trajneri i Arsenalit] Mikel Arteta e lejon të bëjë këtë, sepse kjo është fuqia e tij.”
Walcott, që kaloi 12 vjet te Arsenal pas bashkimit në 2006, beson se Dowman ka qëndrimin e duhur për të pasur sukses në këtë nivel, duke lavdëruar qasjen e tij të drejtpërdrejtë:
“Ka aftësi që nuk mund t’i mësoni, sepse luan me atë liri,” vazhdoi Walcott.
“Flasim për dashurinë ndaj futbollit, për momentet kur futbolli është i mërzitshëm për t’u parë. Duke e parë, ai nuk është i mërzitshëm. Është gjithmonë pozitiv sa herë ka topin dhe kjo është ajo që dua tek këta lojtarë që janë thjesht pozitivë. Është shumë freskuese.”
Duke reflektuar mbi presionet që Dowman do të përballet, Walcott theksoi rëndësinë e një rrjeti mbështetës të fortë:
“Sfida më e madhe është zhurma e jashtme dhe si përballon edhe jetën e tij shkollore, atë ekuilibër edhe kur del në rrugë dhe njihet,” paralajmëroi Walcott.
“Ai botë e mediave sociale, unë nuk e kisha atë kur po rritesha, nuk e kishim ne kur ishim të rinj. Ishte shumë ndryshe.”/GazetaExpress/
