Dillian Whyte e ka fituar rimeçin ndaj Aleksander Povetkin, në duelin kryesor të eventit të sontëm.

Në raundin e katërt, Whyte me breshëri grushtash e rrëzoi Povetkinin, ndërsa gjyqtari u detyrua ta përfundonte aty duelin.

Ky rimeç u zhvillua në shtetin e Gjibraltarit, teksa të pranishëm ishin edhe një numër i konsiderueshëm i tifozëve, shkruan Gazeta Express.

Dueli i parë mes tyre u fitua nga Povetkin me një nokaut në raundin e pestë, edhe pse Whyte po triumfonte në katër raundet e para. /Gazeta Express/