Trajneri i Liverpool, Arne Slot, ka konfirmuar se Florian Wirtz do ta humbasë ndeshjen ndaj Wolverhampton Wanderers në Premier League.

Mesfushori gjerman mungoi edhe në fitoren spektakolare 5-2 ndaj West Ham United për shkak të një dëmtimi në shpinë, ndërsa Slot pranoi se rikthimi i tij të martën “do të ishte shumë herët”.

“Shpresojmë që të mos zgjasë shumë, por për momentin ndeshja e radhës është shumë shpejt për të,” deklaroi tekniku holandez.

Liverpool do të përballet dy herë me Wolves brenda javës, fillimisht në kampionat dhe më pas në FA Cup, ndërsa më pas udhëton në Turqi për sfidën e Ligës së Kampionëve ndaj Galatasaray. Wirtz shpreson të jetë gati për atë përballje të rëndësishme.