Dy yjet e futbollit shqiptar, Granit Xhaka dhe Ardon Jashari, janë shumë të kërkuar, në prag të afatit kalimtar të verës.

Mediumi zviceran "Blick" raporton se të dy futbollistët janë në radar të Milanit, ndërsa drejtori i ri sportiv, Igli Tare po punon me kujdes për t'i afruar dy përfaqësuesit zviceranë në "San Siro".

“Raportohet se Milani po i ndjek që të dy, por ndoshta mund ta përballojë vetëm Xhakën. 

Superylli kroat Luka Modriç pritet që të bashkohet pas Kupës së Botës për klube, dhe realisht një lojtar i ekipit kombëtar përkrah tij. 

Pas Ardon Jasharit (22 vjeç), gjiganti i Serie A po ndjek Granit Xhakën (32 vjeç).

Çështja mbetet e ndërlikuar”, shkruan mes të tjera mediumi zviceran “Blick”.

"Gazzetta dello Sport" publikoi interesimin specifik të Milanit. 

Tare ka marrë sinjal nga kampi i kapitenit të ekipit kombëtar zviceran për t'ia bërë Leverkusenit ofertë, e cila pritet të bëhet brenda 48 orëve të ardhshme. 

“Shifra e transferimit të tij prej rreth 15 milionë eurosh plus një pagë të lartë për tre vitet e mbetura të kontratës së tij është duke u diskutuar”, shkruan mes tjerash mediumi zviceran.