Ballkani ka arritur të marrë një pikë të madhe në shtëpi ndaj Gjilanit, në minutat e fundit të ndeshjes.

Ndonëse Gjilani ishte duke avancuar, Ballkani arriti të barazojë në minutat e fundit të ndeshjes, duke bërë që ndeshja të mbyllet në paqe.

Gjilani shënoi në minutën e 71-të me anë të Edi Basa, pasi paraprakisht iu kishte anuluar një gol i Albin Prapashticës.

Kur të gjithë menduan se Debatik Curri dhe djelmoshat e tij po shkonin për fitoren e dytë me radhë, në skenë doli Giovanni Ribeiro.

8-shi i Ballkanit, shtatshkurtër, u ‘ngrit’ në ajër për të shënuar me kokë, pas asistimit nga Almir Kryeziu. Ky gol erdhi në minutën e 94-të të takimit, kur kishte mbetur edhe një minutë lojë.

Më pas, Ballkani e pati edhe një mundësi të artë, por që goditi shtyllën me anë të Bleart Tolajt.

Me këtë pikë, Gjilani shkon në kuotën e 11-të pikëve në vendin e shtatë në tabelë, teksa Ballkani mbetet i dyti me 19 pikë, katër tri më pak se Prishtina në vendin e parë./GazetaExpres/