Duke folur për Sky Sport, ish-mesfushori i Napolit, Blerim Xhemaili, ndau mendimin e tij për përforcimin e ri të Milanit, Ardon Jasharin.

Pas një negociate vërtet të lodhshme mes kuqezinjve dhe Club Brugge, klubi belg më në fund “u dorëzua” duke dhënë dritën jeshile që talenti zviceran të veshë fanellën prestigjioze dhe shumë të dëshiruar të Milanit.

“Është vërtet shumë i fortë. Një lider edhe në moshë të re, është një lojtar që nuk fshihet kurrë dhe gjithmonë kërkon topin. Ka shumë karakter dhe dëshiron të dallojë, jo për veten e tij, por për t’i dhënë diçka më shumë skuadrës. Pavarësisht moshës, ka shumë personalitet. Besoj se mund të bëjë mirë te Milani", tha ai.