Futbollisti i Barcelonës, Lamine Yamal, është gati të blejë shtëpinë e ish-bashkëlojtarit të tij Gerard Piqué dhe këngëtares Shakira.

Sipas raportimeve nga Spanja, Yamal pritet të paguajë rreth 11 milionë euro për pronën e re.

Shtëpia ndodhet në Esplugues de Llobregat, në periferi të Barcelonës - shumë afër bazës stërvitore të klubit, si dhe pranë banesave të bashkëlojtarëve Alejandro Balde dhe Ronald Araújo, si edhe të ish-yllit të Barçës, Andrés Iniesta.

Sipërfaqja totale e parcelës është 3,800 metra katrorë, e cila përfshin banesën kryesore dhe një sërë ambientesh luksoze: zonë lojërash, studio, bibliotekë, disa pishina, kinema, fushë futbolli dhe fushë padeli.

Nëse marrëveshja finalizohet, 18-vjeçari Yamal do të bëhet njëri nga futbollistët më të rinj në historinë e Barcelonës që zotëron një pasuri të tillë luksoze, duke reflektuar rritjen e tij të shpejtë si në fushë, ashtu edhe jashtë saj./GazetaExpress/