Ekipi kosovar i xhudos po merr pjesë në kampin olimpik të xhudos që po mbahet në Poreç të Kroacisë.
Ky kamp është një kamp olimpik ku marrin pjesë ajka e xhudistëve nga e mbarë bota.
Kurse nga ekipi kosovar po stërvitin xhudistët: Distria Krasniqi, Nora Gjakova, Akil Gjakova, Loriana Kuka, Dardan Cena, Shpati Zekaj, Anes Veseli, Rios Kuka, Fatjona Kasapi.
Atje po zhvillohen përgatitjet para sfidave e garave që i presin garuesit kosovarë, si Grand Slami i Kazakistanit që zhvillohet këtë javë, pastaj gara e madhe IJF Masters që mbahet për më pak se dy muaj e kështu me radhë.
Pos ekipit elitar, po marrin pjesë edhe grupmosha e kadetëve të cilët po përgatiten për Kampionatin Evropian për Kadet që mbahet javën tjetër, pastaj EYOF në muajin e ardhshëm.
Bashkë me garuesit, atje po marrin pjesë edhe trajneri e selektori, Driton Kuka dhe ndihmëstrajnerja e ish Kampionja Olimpike, Majlinda Kelmendi.
Stërvitjet po shkojnë mirë, të koncentruara tek ndeshjet, ku një atmosferë pak më ndryshe nga kampet e tjera dhe aktivitete të ndryshme po mbahen tash e sa vite në festivalin e xhudos në Poreç. /Gazeta Express/
