Ylber Ramadani është bërë objektiv i një klubit nga Emiratet e Bashkuara Arabe.
Më saktësisht, futbollistit kosovar ia ka vënë syrin klubi Al Ain, raporton mediumi italian “Pianeta Lecce”, përcjell “Gazeta Express”.
Përfaqësuesi shqiptar po luan me sukses në futbollin italian, respektivisht tek Lecce në Serie A.
Në fakt, sipas mediumit italian, të afërt me klubin e Lecces, drejtuesit e klubit arab i kanë kërkuar informacione menaxherit të lojtarit rreth situatës me klubin italian, ndërsa në ditët në vazhdim mund të nisin negociatat për një transferim eventual.
Mirëpo, ky medium raporton se Ramadani nuk është i bindur shumë nga oferta e Al-Ain sepse nëse e pranon ofertën për të luajtur në një ligë të nivelit më të ulët, do të thoshte edhe lamtumirë eksperienca në Kombëtaren shqiptare.
Por, edhe Kuqezinjtë e kanë shijuar rritjen teknike dhe taktike duke iu falënderuar edhe futbollistit kosovar, i cili ka qenë pjesë e rëndësishme e ekipit të Sylvinhos, duke marrë pjesë madje edhe në Euro 2024.
Natyrisht, edhe lëshimi i mundësisë për të luajtur në Serie A do të ishte një tjetër humbje e madhe për futbollistin ferizajas.
Al-Ain po ashtu duhet të reflektojë për ta bindur lojtarin në krahasim me 1 milion e 200 mijë euro, që pak a shumë ka vendosur t’ia propozojë atij si rrogë vjetore.
29 vjeçari është i lidhur me Leccen me një kontratë deri në qershor 2026, me opsion vazhdimi për një vit tjetër. /Gazeta Express
