Real Madridi ka përcaktuar prioritetet e tij të transferimeve për sezonin e ardhshëm, teksa kërkon të përforcojë një skuadër që shumë e kanë përshkruar si të mangët në momentet më të mëdha.
Pas një shpenzimi prej 165 milionë euro verën e kaluar, mund të ketë investime të tjera të mëdha verën e ardhshme.
Dy përforcimet e para në skuadër do të jenë rikthimi i Endrick Felipe dhe Nico Paz nga Olympique Lyon dhe Como respektivisht.
“Diario AS” raporton se, nëse gjithçka shkon sipas planit, do të ketë të paktën edhe tre nënshkrime para fillimit të sezonit të ardhshëm.
Prej kohësh është thënë se mesfushori i Paris Saint-Germain, Vitinha, është objektivi ideal për të përmirësuar mesfushën.
Ylli portugez është bërë fytyra e një mesfushe dominuese të PSG-së vitet e fundit, por pranohet se transferimi i tij do të jetë i vështirë për shkak të hezitimit të PSG për ta shitur.
Vitinha ka kontratë deri në vitin 2029 dhe Real Madridit i duhet që lojtari të shtyjë për një transferim që kjo të realizohet.
Zgjedhja e dytë është talenti holandez Kees Smit. 19-vjeçari ka gjithnjë e më shumë klube të interesuara në Evropë, por Real Madridi e sheh si alternativën më të mirë ndaj Vitinha.
Çmimi i tij po rritet vazhdimisht, me AZ Alkmaar që thuhet se kërkon rreth 60 milionë euro për të.
Një tjetër repart që Real Madridi dëshiron ta forcojë është mbrojtja, me qendrën e mbrojtjes të identifikuar si problem.
David Alaba dhe Antonio Rudiger janë pa kontratë këtë verë, kështu që skuadra do të kishte vetëm tre opsione të ekipit të parë (Dean Huijsen, Raul Asencio dhe Eder Militao) nëse nuk bëhen shtesa të tjera.
Emri kryesor në listën e Real Madridit është Jacobo Ramon, i cili, si Paz, është te Como pas transferimit verën e kaluar.
Ai ka bërë përshtypje dhe “Los Blancos” kanë një opsion riblerjeje prej 8 milionë eurosh për të, por aktualisht ai po pret vendimin përfundimtar të Real Madridit për të ardhmen e tij.
Gjithashtu raportohet se “Los Blancos” kanë rikthyer kontaktet këtë javë me mbrojtësin e Liverpoolit, Ibrahima Konaté. Mbrojtësi francez është pa kontratë këtë verë./GazetaExpress/
